ODI Team of the Year: સ્ટાર સ્પોર્ટ્સે વર્ષ 2023ના પ્રદર્શનના આધારે સર્વશ્રેષ્ઠ ODI ટીમની જાહેરાત કરી છે. આમાં ભારતીય ખેલાડીઓનો દબદબો જોવા મળ્યો છે. તેમાં ભારતના આઠ ખેલાડીઓને સ્થાન મળ્યું છે.
ODI વર્લ્ડ કપ 2023માં ઓસ્ટ્રેલિયાએ ફાઇનલમાં ભારતને હરાવીને છઠ્ઠી વખત ટાઇટલ જીત્યું હતું. ભારતમાં રમાયેલા વર્લ્ડ કપમાં રોહિત શર્માના નેતૃત્વમાં ભારતીય ટીમે શાનદાર પ્રદર્શન કર્યું હતું અને મેચ હાર્યા વિના ફાઇનલમાં પહોંચી હતી. જોકે, ટાઈટલ જીતવાનું સપનું પૂરું થઈ શક્યું નથી. વર્ષ 2023ના અંત પહેલા સ્ટાર સ્પોર્ટ્સે આ વર્ષની સર્વશ્રેષ્ઠ ODI પ્લેઈંગ ઈલેવનની જાહેરાત કરી છે. જો કે આમાં ભારતીય ખેલાડીઓનો દબદબો જોવા મળ્યો છે.
સ્ટાર સ્પોર્ટ્સ ODI Team of the Year
Table of Contents
- રોહિત શર્મા (ભારત)
- શુભમન ગિલ (ભારત)
- વિરાટ કોહલી (ભારત)
- ડેરીલ મિશેલ (ન્યુઝીલેન્ડ)
- કેએલ રાહુલ (ભારત)
- હેનરિક ક્લાસેન (દક્ષિણ આફ્રિકા)
- એડમ ઝમ્પા (ઓસ્ટ્રેલિયા)
- કુલદીપ યાદવ (ભારત)
- મોહમ્મદ શમી (ભારત)
- મોહમ્મદ સિરાજ (ભારત)
- જસપ્રિત બુમરાહ (ભારત)
ODI વર્લ્ડ કપ ચેમ્પિયન હોવા છતાં ઓસ્ટ્રેલિયન ટીમનો એક જ ખેલાડી પ્લેઈંગ ઈલેવનનો ભાગ બન્યો છે. જોકે, વર્લ્ડ કપ ફાઇનલમાં પ્લેયર ઓફ ધ મેચ રહેનાર ટ્રેવિસ હેડ તેનો ભાગ બની શક્યો નહોતો. આ વર્ષના પ્રદર્શનના આધારે, બ્રોડકાસ્ટર સ્ટાર સ્પોર્ટ્સ દ્વારા પસંદ કરાયેલી ટીમમાં ભારતના 8 અને ન્યુઝીલેન્ડ, ઓસ્ટ્રેલિયા અને દક્ષિણ આફ્રિકાના 1-1 ખેલાડીનો સમાવેશ કરવામાં આવ્યો છે.
આ પણ વાચો: રવિ શાસ્ત્રીએ રોહિત શર્માની કેપ્ટનશિપ પર ઉઠાવ્યા સવાલ, કહ્યું આ એક મોટી ખામી છે
ઓપનર તરીકે શાનદાર પ્રદર્શન કરનાર ભારતીય ઓપનર રોહિત શર્મા અને શુભમન ગિલને બેસ્ટ ટેસ્ટ ઈલેવનમાં ઓપનર તરીકે સામેલ કરવામાં આવ્યા છે. વિરાટ કોહલી, ડેરિલ મિશેલ અને હેનરિક ક્લાસેન મિડલ ઓર્ડર બેટ્સમેન તરીકે છે. આ ખેલાડીઓએ આ વર્ષે ઘણી સદી ફટકારી છે. કેએલ રાહુલ વિકેટકીપર છે. રાહુલ ઈજા બાદ પરત ફર્યો હતો અને ઘણી શાનદાર ઈનિંગ્સ રમી હતી. એડમ ઝમ્પા અને કુલદીપ યાદવ સ્પિનર છે. મોહમ્મદ શમી, મોહમ્મદ સિરાજ, જસપ્રીત બુમરાહ ત્રણ ફાસ્ટ બોલર છે. – Team of the Year